إزاي تحمي موبايلك وحساباتك على السوشيال ميديا من الاختراق؟
في الزمن اللي إحنا فيه، حياتنا كلها بقت على الموبايل والسوشيال ميديا، من الشات مع الأصحاب لحد الشغل والدفع أونلاين. وده بيخلينا مستهدفين لأي حد عايز يسرق بياناتنا أو يستغلها. فإزاي نحمي نفسنا من الاختراق؟ خليني أقولك على أهم الخطوات اللي لازم تعملها عشان تأمن موبايلك وحساباتك على السوشيال ميديا.
1. راجع أذونات التطبيقات.. مين قالك تديني إذن؟ 🤨
كل تطبيق بتنزله بيسألك عن أذونات زي الكاميرا، الميكروفون، الموقع، وغيرها.. بس هل كل التطبيقات محتاجة الحاجات دي؟ طبعًا لأ!
- قبل ما توافق على أي إذن، اسأل نفسك: ليه التطبيق ده محتاج الصلاحية دي؟
- راجع الأذونات من إعدادات الموبايل > التطبيقات > الأذونات، واعمل فلترة للحاجات اللي مالهاش لازمة.
- لو لقيت تطبيق طالب صلاحيات مش منطقية (مثلاً: تطبيق مصباح (كشاف) طالب إذن الوصول للكاميرا والميكروفون!)، امسحه فورًا.
2. متشاركش معلومات حساسة على السوشيال ميديا
السوشيال ميديا بقت مكان مفتوح، وأي حاجة بتنزلها ممكن تتشاف حتى لو قافل حسابك.
- بلاش تنشر بياناتك الشخصية زي عنوانك، رقم تليفونك، أو بيانات بطاقتك.
- متشاركش أماكن تواجدك لحظة بلحظة، خصوصًا لو أنت مسافر أو في مكان بعيد عن بيتك. هتقولي ليه هقولك مثلا لنفترض انك عايش في مصر و مسافر الي امريكا اسبوعين و منزل انك هتسافر و يوم ايه واساعه كام وفي واحد هاكر بيراقبك من زمان وعارف عنوانك (منتا طبعا كاتبه) وانت مثلا منزل بوستات عندك عربيه و بيت في القاهره والاسكندريه و ما شاء الله اكيد مش هتشيل البيت وانت ماشي انت تسافر من هنا الهاكر بعدها بساعه يكون في بيتك و بيشوف شغله مش هقولك متفرحش بالسفر ولا نزل اي حاجه لا نزل براحتك واعمل ال عايزه بس بعد مترجع بالسلامه.
- خد بالك من الصور اللي بتنزلها، ساعات ممكن تبقى فيها بيانات شخصية بدون ما تاخد بالك (زي صور تذاكر السفر أو البطاقة).
3. فعل إعدادات الخصوصية المتقدمة كل منصة سوشيال ميديا عندها إعدادات خصوصية تقدر تتحكم بيها في بياناتك، بس قليل اللي بيدخل يعدّلها! لازم تعمل الآتي:
-
فيسبوك:
- قفل قائمة الأصدقاء بحيث محدش يشوفها غيرك أو أصدقائك بس.
- قفل البروفايل عشان اللي مش عندك في الفريند ليست ميشوفش كل حاجة.
- فعل التنبيهات لو حد حاول يدخل على حسابك من جهاز جديد.
-
إنستجرام:
- خلى حسابك برايفت لو مش عايز ناس غريبة تشوف بوستاتك.
- فعل المصادقة الثنائية (2FA) عشان أي حد يحاول يدخل لازم يأكد هويته بكود إضافي.
- واتساب:
- قفل آخر ظهور ومتخليش أي حد يقدر يشوفه غير أصدقائك.
- فعل خاصية "التحقق بخطوتين" عشان تمنع أي محاولة اختراق.
-
تيك توك وسناب شات:
- استخدم الإعدادات اللي بتمنع الغرباء من إرسال رسائل ليك.
- فعل إشعارات تسجيل الدخول عشان تعرف لو حد حاول يدخل على حسابك.
4. استخدم باسورد قوي ومختلف لكل حساب
- متستخدمش نفس كلمة السر لكل الحسابات، عشان لو واحد منهم اتسرب، كل حساباتك هتبقى في خطر.
- خلي الباسورد معقد وطويل ويكون فيه أرقام، حروف كبيرة وصغيرة، ورموز.
- لو عندك مشكلة في حفظ الباسوردات، استخدم مدير كلمات المرور زي "Bitwarden" أو "1Password".
اقرأ اكثر ===> من هنا
5. خد بالك من الروابط الغريبة والرسائل المشبوهة
- متفتحش أي لينك يجيلك في رسالة من مصدر مش موثوق، حتى لو كان شكله رسمي.
- خد بالك من رسائل التصيد الاحتيالي (Phishing) اللي بتقلد مواقع معروفة زي فيسبوك أو واتساب وتطلب منك تدخل بياناتك.
- لو شاكك في أي رابط، جرب تفتحه من جهاز منفصل أو استخدم موقع زي "VirusTotal" لفحصه.
اقرأ اكثر ===> من هنا
6. حدث موبايلك وتطبيقاتك بانتظام
التحديثات مش بس عشان الشكل الجديد، دي كمان بتصلح ثغرات أمنية ممكن الهاكرز يستغلوها.
- فعل التحديث التلقائي عشان تضمن إنك دايمًا على آخر إصدار.
- متستخدمش إصدارات قديمة من التطبيقات لأنها ممكن تكون معرضة للاختراق.
اقرأ اكثر ===> من هنا
